жауынгерлік іс-қимыл журналы

(Журнал боевых действий)

ұрыс қимылының барысы мен дайындығы туралы мәліметтер жазылатын есеп-ақпараттық құжат. Майдандағы армия (флот) құрамындағы 1-ші, 2-ші рангілі кеме, бөлім, құрама, бірлестік штабында жүргізіледі. Әскери тәжірибені оқып-үйрену, есеп беру және анықтама құрастыру үшін қолданылады. Ж.і-қ.ж-на жазбалар күнделікті жазылып тіркеледі. Онда ұрыс (операция) алдындағы жалпы жағдайлар, шешім қабылдайтын әскерлердің (күштердің) міндеттері, ұрыс қимылдарының барысы, сабақ боларлық ұрыс эпизодтары және басқа мәліметтер көрсетіледі. Ж.і-қ.ж-на есеп беру карталары мен сызбалары тіркелуі мүмкін.